UEFA ÇL oyunlarına azarkeşləri buraxa bilər

UEFA ÇL oyunlarına azarkeşləri buraxa bilər

UEFA 2020/2021 mövsümündə Çempionlar Liqasının qrup mərhələsinin oyunlarında azarkeşlərin stadionlara buraxmağı düşünür.

Qol.az "Mundo Deportivo"ya istinadən xəbər verir ki, qurum UEFA Superkubok görüşünün azarkeşlərlə keçirilməsi təcrübəsini bəyənib. Bildirilib ki, UEFA ölkələrin yerli hökuməti ilə razılığa gəldikdən sonra qərarı rəsmən açıqlamağı planlaşdırır.

İddiaya görə, qitə futbol qurumu bu vasitə ilə pandemiyadan əziyyət çəkən klubların zərərlərini azaltmasına və bilet satışından pul qazanmasına imkan yaratmaq istəyir.

Qeyd edək ki, ÇL-də qrup mərhələsinin görüşləri oktyabrın 20-i başlayacaq.

Mənbə: qol.az