“Ayaks” tarixi qələbə qazanıb - 13:0

“Ayaks” Niderland çempionatının VI turunda “Venlo” üzərində tarixi qələbə qazanıb.

Apasport.az saytının məlumatına görə, səfərdə darmadağına sevinən Amsterdam klubu rəqib qapısından 13 cavabsız qol keçirib.

Bu, “Ayaks”ın tarixində Erediviziyada əldə olunan ən böyükhesablı qələbədir. 13:0 hesablı qələbəyədək paytaxt futbolçuları belə fərqə nail olmamışdı.

Bunadək rekord 1971/72 mövsümündə qeydə alınmayıb. Həmin vaxt “Ayaks” “Vitess”i 12:1 hesabı ilə məğlub edib.

Erik Ten Haqın komandasında Lassina Traore 5, Klas Yan Huntelar və Yurgen Enkeljamp hərəyə 2 qol vurub. Duşan Tadiç, Deyli Blind, Entoni və Lisandro Martines hərəyə 1 dəfə fərqlənib. Meydan sahibləri Kristian Kumun 50-ci dəqiqədə aldığı qırmızı vərəqədən sonra azlıqda oynayıb.

Qeyd edək ki, 15 xala malik “Ayaks” çempionatın lideridir.

Apa.az

ƏVVƏLKİ XƏBƏR

Genesis GV70 krossoverinin ilk şəkillərini dərc edib - FOTO

SONRAKI XƏBƏR

QARABAĞ SAVAŞIYLA DƏYİŞƏN RUS MÖVQEYİ:Türkiyənin balanslı siyasəti həm də Rusiyanı dağılmaqdan xilas edəcək - TƏHLİL