İtaliya A seriyasında VII tur 6 oyunla yekunlaşıb.

Apasport.az saytının məlumatına görə, günün ilk matçında “Yuventus” Romada “Latsio”nun qonağı olub.

Bu tura qədər məğlubiyyət üzü görməyən “qoca sinyora” qələbəni əldən verib. Son saniyələrdə yenilgidən qurtulan “Latsio” çempionu büdrədib.

“Atalanta” ilə “İnter” arasında Berqamodakı görüşdə də 1:1 hesabı qeydə alınıb.

“Napoli” səfərdə “Bolonya”nı 1 qolla üstələyib.

Məğlubedilməz “Milan” isə mövsümün sürpriz komandalarından “Verona”nı sınağa çəkib. İki avtoqolun qeydə alındığı qarşılaşmada “rossonyerlər” Zlatan İbrahimoviçin son dəqiqələrdə vurduğu top sayəsində 1 xala sevinib.

Qeyd edək ki, VIII turun oyunları noyabrın 21-22-də keçiriləcək.

İtaliya A seriyası
VII tur
8 noyabr
“Latsio” – “Yuventus” – 1:1
Kaysedo, 90+5 – Ronaldo, 15
“Atalanta” – “İnter” – 1:1
Mirançuk, 79 – Lautaro Martines, 58
“Cenoa” – “Roma” – 1:3
Pyatsa, 50 – Mxitaryan, 45+2, 66, 85
“Torino” – “Krotone” – 0:0
“Bolonya” – “Napoli” – 0:1
Osimxen, 23
“Milan” – “Verona” – 2:2
Manyani, 27 (avtoqol), İbrahimoviç, 90+3 - Barak, 6, Kalabriya, 19 (avtoqol)

Mənbə: www.realtv.az