Azərbaycanın bədii gimnastika üzrə gənclər komandasının Avropa çempionatındakı çıxışının nəticələri məlum olub

Bakı. Cani Babayeva - Trend:

Azərbaycanın gənclər komandası Kiyevdə keçirilən Bədii Gimnastika üzrə 36-cı Avropa çempionatındakı çıxışını başa vurub.

Trend-in məlumatına görə, bu gün Kiyevdə keçirilən Bədii Gimnastika üzrə Avropa çempionatının üçüncü günündə, fərdi mövzularda (lent, top, gürzlər, ip) yuniorlar üçün final mərhələsi başa çatıb. Bu gün eyni zamanda Azərbaycan komandasının iştirak etdiyi qrup hərəkətlərində (5 top, 3 halqa və 2 cüt gürzlərlə) komandaların son çıxışları olacaq.

"Gənclər" yaş kateqoriyasında finalda Azərbaycanı tamsil ediblər: İp və lentlə hərəkətlərdə - Nərmin Bayramova, top və cüt gürzlər - Alina Gözəlova.

Finalların nəticələrinə görə, Nərmin Bayramova iplə hərəkətlərə görə hakimlərdən 19.050 bal alıb və altıncı yerdə qərarlaşıb, lentlə hərəkətlərdə isə 20.950 bal qazanaraq dördüncü yeri tutub.

Alina Gözəlova topla hərəkətdə 21.050 bal toplayaraq beşinci yeri, cüt gürzlərlə hərəkətlərdə isə 21.900 bal toplayaraq beşinci yeri tutub.

Trend.az

ƏVVƏLKİ XƏBƏR

Koronavirusa qarşı yeni peyvənd 90 faizdən çox effektlidir - AÇIQLAMA

SONRAKI XƏBƏR

Yeni Honda Civic modelinin patent təsvirləri peyda olub - FOTO