Peşəkar boksçumuz ABŞ-da rinqə “Karabakh is Azerbaijan” forması ilə çıxıb - VİDEO

Xəbər verdiyimiz kimi, həvəskar boks millimizin sabiq üzvü, üçqat dünya və Avropa çempionu, Olimpiya mükafatçısı Məhəmmədrəsul Məcidov peşəkar rinqdə məğlubedilməzliyini qoruyub saxlayır.

34 yaşlı dağıstanlı idmançı ABŞ-ın Florida ştatının Hollivud şəhərində keçirilmiş boks gecəsində Puerto Riko təmsilçisi Saret Delqado ilə döyüş üçün rinqə “Karabakh is Azerbaijan” (“Qarabağ Azərbaycandır”) və “Pray for Ganja” (“Gəncə üçün dua et”) sözləri yazılmış qara formada gəlib. O, rinqə “Dəyirman” qrupunun “Ya Qarabağ, ya ölüm” mahnısının sədaları altında çıxıb.

Boksçu üçüncü raundun 40-cı saniyəsində rəqibini texniki nokauta salıb.

Qeyd edək ki, Məhəmmədrəsul Məcidov dağıstanlı olsa da, həvəskar boksda olduğu kimi, peşəkar karyerasında da döyüşə Rusiya yox, Azərbaycan bayrağı ilə çıxır. O, daha əvvəl – ötən il Ed Fauntini (ABŞ) və Tom Litlı (Böyük Britaniya) məğlub edib.

 

Oxu.az

ƏVVƏLKİ XƏBƏR

İker Kasilyas infarkt keçirərəkən yaşadığı hisslərdən danışıb

SONRAKI XƏBƏR

"Araz" klubu UEFA Çempionlar Liqasında mübarizəni dayandırıb