Məmmədyarov və Rəcəbov “Grand Chess Tour”a dəvət aldı

Bu il keçiriləcək “Grand Chess Tour“ seriyasının turnirlərinə Azərbaycanın qrossmeysterləri Şəhriyar Məmmədyarov və Teymur Rəcəbov da dəvət alıblar.

Unikal.org xəbər verir ki, seriya çərçivəsində 5 turnir keçiriləcək. Belə ki, iyun ayında təşkil ediləcək (iyunun 3-15-də) birinci turnirə Buxarest, ikinci yarışa (iyunun 16-23-də) Paris ev sahibliyi edəcək. Üçüncü turnir iyulun 5-12-də Zaqrebdə keçiriləcək. Sonuncu iki yarış ABŞ-ın Missuri ştatının Sent-Luis şəhərində avqustun 9-16-da və 16-28-də baş tutacaq.

Turnirin mükafat fondu 1 milyon 275 min dollar təşkil edir.

Unikal.org

ƏVVƏLKİ XƏBƏR

Ərdoğan Türkiyəyə daha 25-30 milyon dozda Çin vaksini idxal olunacağını bildirib

SONRAKI XƏBƏR

Samir Abasov: "Oyunda görmək istədiyimiz başqa şeylər idi"