"Neftçi"nin legioneri: "Heç bir rəqibdən qorxmuruq"

"Zaman keçdikcə özümü daha çox evdəki kimi hiss edirəm, komandaya uyğunlaşıram. Ona görə bu cür çıxış edirəm".

Fanat.Az-ın məlumatına görə, bunu "Neftçi"nin futbolçusu Sabir Buqrin "Keşlə"ni 4:3 hesabı ilə məğlub etdikləri yoxlama oyunundan sonra klubun televiziyasına açıqlamasında deyib.

Təlim-məşq toplanışını dəyərlə Mərakeş əsilli belçikalı futbolçu hazırlıq prosesinin yaxşı keçdiyini bildirib: "Hamı özünü fiziki cəhətdən əla hiss edir. Komandada rəqabət var. İrəliləyiş nəzərə çarpır".

25 yaşlı oyunçu Premyer Liqanın XIV turunda "Səbail"lə keçirəcəkləri matça da toxunub: "Digər oyunlara necə çıxmışıqsa, bu dəfə də belə olacaq. Öz oyunumuzu göstərəcəyik. Heç bir rəqibdən qorxmuruq. Əlimizdən gələni edəcəyik. Necə olacağını isə oyun göstərəcək".

Qeyd edək ki, "Neftçi" yanvarın 21-də "Səbail"in qonağı olacaq. Görüş saat 16:00-da başlayacaq.

Fanat.az

ƏVVƏLKİ XƏBƏR

Vətən yarası öz-özünə qaysaqlanıb sağalmır, onu sağaltmaq lazımdır...

SONRAKI XƏBƏR

Bu ölkə Rusiyadan S-400 alır