Misirdə keçirilən həndbol üzrə dünya çempionatında iştirak edən idmançı hər kəsi təəccübləndirib.

Offsideplus.az "La Nacion"a istinadən xəbər verir ki, Argentina - Konqo Demokratik Respublikası qarşılaşmasında afrikalıların 130 kiloqram çəkili, 196 santimetr boylu həndbolçusu Qotye Mvumbi Tyerri 100 faizlik nəticə göstərib. Argentinanın 28:22 hesabı ilə qələbə qazandığı qarşılaşmada Qotyenin qapıya vurduğu bütün toplar tora qovuşub.

Qeyd edək ki, Konqo DR-nın"15 nömrə"si Fransa "Dreux AC Handball" komandasının şərəfini qoruyur.

Mənbə: offsideplus.az