“Milan” Mario Mandzukiçlə anlaşıb

Xorvatiya yığmasının sabiq hücumçusu Mario Mandzukiçin klubsuz günləri başa çatır.

Apasport.az saytının məlumatına görə, 34 yaşlı forvard İtaliya klubu “Milan”la anlaşıb.

Son olaraq ötən ilin yayında Qətər təmsilçisi “Əl-Duhail”dən ayrılan qolçu oyunçu “rossonyerlər”lə danışıqları müsbət yekunlaşdırıb. Tərəflərin tezliklə 6 aylıq rəsmi müqaviləyə qol çəkəcəyi bildirilib. O, milanlılara azad agent kimi keçəcək.

Qeyd edək ki, Mario Mandzukiç 2015-2019-cu illərdə İtaliyada “Yuventus”un formasını geyinib.

Apa.az

ƏVVƏLKİ XƏBƏR

"Rusiyada qəribə proseslər başlayır" - Putinin getməsi nələri dəyişəcək?

SONRAKI XƏBƏR

11 yaşında qazandığı şöhrətə görə kinodan gedir