“Arsenal”dan ayrılan müdafiəçi vətəninə dönüb

İngiltərənin “Arsenal” klubundan ayrılan Sokratis Papastatopulosun yeni komandası müəyyənləşib.

Apasport.az saytının məlumatına görə, yunanıstanlı müdafiəçi karyerasını vətənində davam etdirəcək.

Türkiyə, İspaniya və İtaliya klublarının da maraq göstərdiyi Sokratis “Olimpiakos”a keçəcək. O, Pirey təmsilçisinə azad agent kimi qoşulacaq.

32 yaşlı yunan tibbi müayinədən keçdikdən sonra müqaviləyə imza atacaq. İllik qazancı 2,5 milyon avro təşkil edəcək müdafiəçinin anlaşması 2022-ci ilə qədər olacaq.

Qeyd edək ki, “Arsenal”la Sokratis müqaviləyə qarşılıqlı razılıqla xitam verib.

Apa.az

ƏVVƏLKİ XƏBƏR

Onilliyin çempionları açıqlanıb, “Qarabağ” PSJ-yə şərik olub

SONRAKI XƏBƏR

Azərbaycanda koronavirusa yoluxma yenidən artdı - FOTO