Sulşer futbolçusunu Azərbaycanla oyuna buraxmır

İngiltərənin “Mançester Yunayted” komandasının baş məşqçisi Ole-Qunnar Sulşer futbolçusu Bruno Fernandesi Portuqaliya yığmasının düşərgəsinə buraxmaq istəmir.

“Qafqazinfo” xəbər verir ki, bu barədə norveçli mütəxəssis, “Manchester Evening News” saytına açıqlamasında deyib:

“Hələ bu barədə tam danışmamışıq, lakin 10 günlük karantində qalacağı üçün futbolçumuzu itirməyimiz mənasızdır. Futbolçunun pulunu verən bizik. Fernandesin növbəti oyunlarımıza hazır olmasını istəyirik”.

Portuqaliya yığması DÇ-2022-nin seçmə mərhələsi çərçivəsində ilk oyununu Azərbaycan yığmasına qarşı keçirəcək. Görüş koronavirus pandemiyasına görə İtaliyada – Turin şəhərində oynanılacaq. Portuqaliya – Azərbaycan matçı martın 24-də keçiriləcək.

 

 

Qafqazinfo.az

ƏVVƏLKİ XƏBƏR

Azərbaycanda 5 dövlət əmlakı özəlləşdirilib

SONRAKI XƏBƏR

“Burada qərarları mən verirəm!” - Klopp