Çempionlar Liqasının 1/8 final mərhələsində sabah keçiriləcək iki cavab oyununa hakim təyinatları açıqlanıb.

Qol.az xəbər verir ki, "Yuventus" - "Portu" matçı Niderland Futbol Federasiyasından Byörn Kuypersə həvalə olunub. Ona həmyerliləri Sander van Roekel və Ervin Zeinstra köməklik edəcək. Dördüncü hakim funksiyasını Bas Nijhuis yerinə yetirəcək.

"Borussiya" (Dortmund) - "Sevilya" görüşü isə Türkiyə Futbol Federasiyasından Cüneyt Çakıra tapşırılıb. Köməkçi hakimlər Bahattin Duran, Tarık Ongün, dördünü hakim isə Arda Kardeşlər olacaq.

Qeyd edək ki, hər iki qarşılaşma sabah Bakı vaxtı ilə 00:00-da başlayacaq.

Mənbə: qol.az