1972-1979-cu illərdə "Neftçi"də çıxış etmiş veteran futbolçu - Füzuli Cavadov koronavirusa yoluxandan sonra əvvəlki vəziyyətinə qayıda bilmir.

Fanat.Az xəbər verir ki, hazırda səhhətində problemlər olduğu üçün müalicə alan veteranla nə "Neftçi", nə də AFFA maraqlanıb.

Sabiq "7 nömrə"ni 70 illik yubileyi münasibəti ilə də təbrik etməyən AFFA və "Neftçi" rəgbərliyinin laqeydliyi istənilən halda, təəssüf doğurur.

Qeyd edək ki, Füzuli Cavadov millimizin sabiq vingeri Vaqif Cavadovun atası, AFFA İcraiyyə Komitəsinin üzvü, tanınmış futbol veteranı İskəndər Cavadovun qardaşıdır.

 

 

Mənbə: fanat.az