Superliqaya qatılacaq klubun baş məşqçisi: “Bu turnir baş tutmamalıdır”

Superliqaya qatılacaq klubun baş məşqçisi: “Bu turnir baş tutmamalıdır”

“Liverpul”un baş məşqçisi Yurgen Klopp Avropa Superliqasının yaradılmasına münasibət bildirib.

Apasport.az saytının məlumatına görə, almaniyalı mütəxəssis bu turnirin yaradılmasına qarşıdır.

Klopp “qırmızılar”ın Superliqaya qatılma qərarını dəstəkləmədiyini etiraf edib: “Avropa Superliqası maliyyə baxımdan önəmlidir. Ancaq əsla baş tutmamalıdır. “Liverpul” və “Real”ın ardıcıl 10 il üz-üzə gələcəyi bir turnirdə həyəcanın qalacağını söyləyə bilmərik”.

Qeyd edək ki, Superliqada “Liverpul”la yanaşı, “Mançester Yunayted”, “Mançester Siti”, “Tottenhem”, “Çelsi”, “Arsenal”, “Barselona”, “Atletiko”, “Real”, “Milan”, “İnter” və “Yuventus”un iştirakı təsdiqlənib.

Mənbə: apa.az