Almaniyanın “Bavariya” və “Borussiya” (Dortmund) klublarının yeni yaradılan Avropa SuperIiqası ilə bağlı mövqeyi bəlli olub.

Qol.az xəbər verir ki, Dortmund təmsilçisinin İdarə Heyətinin üzvü Hans-Yoahim Vatske bildirib ki, “Bavariya” ilə birlikdə UEFA Çempionlar Liqası sisteminə sona qədər sadiq qalacaqlar.

“Borussiya”nın rəsmi saytında Hans-Yoahim Vatskenin adından yayılan rəsmi açıqlamada deyilir: “Avropa Klublar Assosiasiyasının (ECA - red.) idarə heyətinin bazar günü videoformat formasında keçirilən toplantısında qurumun ötən cümə günü qəbul etdiyi qərarın qüvvədə qaldığını təsdiqlədik.

Bu qərar o deməkdir ki, klublar UEFA tərəfindən planlaşdırılan Çempionlar Liqasındakı islahatlara tərəfdardırlar. ECA üzvləri birmənalı şəkildə Avropa Superliqasının yaradılmasının əleyhinə çıxıblar”.

Vayske onu da bildirib ki, Almaniyanı ECA-da təmsil edən “Borussiya” və “Bavariya” qurumun digər üzvlərinin bununla bağlı mövqeyini 100 faiz bölüşür.

Mənbə: qol.az