"Nəticə qazana bilmədik, amma bu oyunlardan müsbət təəssüratlarım var. Bu səviyyədə və belə futbolçulara qarşı oynamaq bizim üçün əla təcrübədir. Portuqaliya və Serbiya ilə bərabər səviyyədə rəqabət aparmaq üçün nə qədər çox iş görməli olduğumuzu yəqin ki, başa düşürsünüz".

"Report"un məlumatına görə, bu fikirləri Azərbaycan millisinin futbolçusu Bədavi Hüseynov Portuqaliya və Serbiyaya qarşı keçirdikləri DÇ-2022-nin seçmə oyunları barədə danışarkən deyib.

Müdafiəçi Portuqaliya ilə matçda rəqibin ulduz futbolçusu Kriştianu Ronaldu haqqında da danışıb: "Bu adam özünü futbola qapılıb. Ondan öyrənəcək çox şey var. Ronaldunun istəyi və əzmi aşağı reytinqli komandalara qarşı oyunlarda da özünü dərhal göstərir. Qol vurmağa çalışır və komandaya qələbə gətirir. Onsuzda bacardığı hər şeyi qazanıb, amma özünü meydanda maksimum dərəcədə mübarizəyə davam edir. Bizə qarşı oyunda nəsə yolunda getməyəndə çox əsəbi oldu. Başa düşdük ki, Ronalduya bir az sərbəstlik versək, fürsətdən istifadə edəcək. Onunla mümkün qədər yaxın oynamağı bacardıq. Qapıçımız Şahruddin Məhəmmədəliyev möhtəşəm oyun göstərdi".

Hüseynov öz çıxışını qiymətləndirmək istəmədiyini sözlərinə əlavə edib: "Hər kəs Ronaldunun nə qədər üstün olduğunu başa düşür və ona qarşı oynamaq karyeramda böyük hadisə idi. Xoşbəxlikdən Ronaldu qol vurmadı. İnanıram ki, bu bütün komandanın uğurudur".

Təcrübəli oyunçu Ronaldu ilə forma dəyişdirmək haqqında düşünmədiyini vurğulayıb: "Belə vərdişim yoxdur. Gəncliyimdə bir neçə dəfə etmişəm".

Müdafiəçi İrlandiya və Lüksemburq yığmaları ilə görüşdə şanslarının olduğunu deyib: "Şans həmişə var. Amma bu səviyyədə az səhv etməliyik. Buradakı rəqiblər səhvləri bağışlamır. Gənc komanda olduğumuz üçün formalaşma mərhələsindəyik və inanıram ki, doğru yoldayıq".

Mənbə: report.az