Qalmaqallı futbolçu enerji içkisinə öz ləqəbini verdi

Rumıniya millisinin və İngiltərənin "Çelsi" klubunun sabiq futbolçusu Adrian Mutu öz enerji içkisini istehsala buraxıb.

"Report"un məlumatına görə, bu barədə veteran hücumçu şəxsi instaqram səhifəsində paylaşım edib.

"Fenomeno" adlanan içki qabının üzərində Mutunun yığmanın formasında şəkli təsvir olunub. Keçmiş forvard "Fenomeno" ləqəbini futbolçu karyerası ərzində qazanıb.

Qeyd edək ki, Adrian Mutu 2004-cü ildə "Çelsi"də oynayarkən kokaindən istifadə etdiyi üçün futboldan kənarlaşdırılıb. Həmin hadisədən sonra London klubu onunla müqaviləni pozub. 2010-cu ildə dopinq testi müsbət çıxan futbolçu ikinci dəfə diskvalifikasiya olunub. İtaliyada "İnter", "Yuventus" və "Fiorentina" kimi komandaların da formasını geyinmiş Mutu 2016-cı ildə karyerasını başa vurub.

Report.az

ƏVVƏLKİ XƏBƏR

Cənubi Koreya ABŞ-dan F-35B döyüş təyyarələri ala bilər

SONRAKI XƏBƏR

Nazir: “Azərbaycanda tədris planlarının 80-90 faizi 50 ildən çoxdur ki, dəyişmir”