“Bu oyunlarda soyuqanlılıq vacibdir. Ona görə futbolçularımızı təbrik edirəm”.
“Qafqazinfo” xəbər verir ki, bu sözləri “Qarabağ”ın baş məşqçisi Qurban Qurbanov deyib.
O, Azərbaycan Premyer Liqasının 27-ci turunda “Keşlə” üzərində 2:0 hesablı qələbədən sonra oyundan danışıb.
Təcrübəli mütəxəssis “Neftçi” ilə son turdakı vacib matçdan söz açıb:
“Bizim üçün asan və çətin nüanslar var. “Neftçi” ilə matçda futbolçular daha sərbəst olmalıdır. Öz tempimizdə hazırlaşıb oynamağa çalışacağıq”.
Qurbanov Mahir Emrelinin matçda penalti vurması haqqında fikirlərini açıqlayıb:
“Oyunun gedişində ürəyimdən keçdi ki, Mahir vursun. Amma ən ürəksiz qərarım idi”.
Mənbə: qafqazinfo.az