“Sabah” klubu heyətini yeni futbolçu ilə gücləndirib.

Oxu.Az xəbər verir ki, Səlahət Ağayev bundan sonra bu komandanın uğurları üçün çalışacaq.

Təcrübəli qapıçı ilə bir illik müqavilə bağlanıb.

Qeyd edək ki, millimizin də qapıçılarından olan Səlahət Ağayev karyerası ərzində MOİK (2010/11), “Keşlə” (2011/12, 2013-2017), “Sumqayıt” (2012/13, 2015/16) və “Neftçi” (2017-2021) klublarında çıxış edib. Son mövsümdə “Neftçi”nin heyətində çempionluq sevinci yaşayıb.

O, həmçinin 19 oyunda Azərbaycanın əsas milli komandasının şərəfini qoruyub.

Mənbə: www.oxu.az