Buffon: "3-4 gün ərzində yeni klubumun adını öyrənəcəksiniz"

"Yuventus"dan ayrılan Canluici Buffon "Parma"ya keçəcəyi haqda yayılan məlumatlara münasibət bildirib.
Qol.az xəbər verir ki, 43 yaşlı qolkiper "Sport Mediaset"ə müsahibəsində bir neçə gün ərzində yeni klubunun adına aydınlıq gələcəyini deyib:

"Karyeramın sonunda nə əldə etmək istədiyimi dəqiq bilirəm. Mənim üçün daha vacib olan versiyanı seçəcəyəm. Menecerim sabah mənim yanıma gələcək. Beləliklə, 3-4 gün ərzində hər şeyi öyrənəcəksiniz".
Qeyd edək ki, Buffonu hazırda bir neçə klub heyətinə qatmaq istəyir. Bu klublar sırasında "Beşiktaş", "Benfika", "Barselona" və "Parma"nın adı çəkilir.

Qol.az

ƏVVƏLKİ XƏBƏR

Serbiya ilə Azərbaycan arasında turizm sahəsində nələr gözlənilir? - Səfir açıqladı

SONRAKI XƏBƏR

Azad olunan ərazilərdə aşkarlanan minaların sayı açıqlanıb