Bakı, 17 iyun, AZƏRTAC
İyunun 19-20-də Böyük Britaniyanın Uorvik şəhərində paracüdo üzrə beynəlxalq Qran-Pri turniri keçiriləcək.
Azərbaycan Milli Paralimpiya Komitəsindən AZƏRTAC-a bildiriblər ki, milli komandamız turnirdə iştirak etmək üçün Böyük Britaniyaya yola düşüb.
Qeyd edək ki, turnir “Tokio-2020” XVI Yay Paralimpiya Oyunları öncəsi sonuncu reytinq xalı qazandıran yarışdır.
Mənbə: azertag.az