Bədii gimnastlarımız Misirdən medallarla dönür (FOTO)

18-20 iyun tarixlərində Misirdə bədii gimnastika üzrə “Egyptian Pharaohs cup” adlı beynəlxalq turnir keçirilib.

Trend Azərbaycan Gimnastika Federasiyasına istinadən xəbər verir ki, bu yarışda çıxış edən bədii gimnastlarımız ölkəmizi uğurla təmsil ediblər. Turnirdə Azərbaycan təmsilçiləri - Arzu Cəlilova böyüklər arasında, Alina Məmmədova gənclər yaş qrupunda, Məryəm Əliyeva, Gövhər İbrahimova və Aydan Rəhimova isə yeniyetmələr arasında çıxış edib.

Arzu topla nümayiş etdirdiyi proqramına görə bürünc medal qazanıb.

Yeniyetmələrin yarışlarında A qrupunda çıxış edən Gövhər və Məryəm 2 proqram üzrə qalib olublar. Gövhər gürzlərlə, Məryəm isə topla hərəkətlərdə həmyaşıdlarından fərqlənərək 1-ci olub.

 

Qızlar çoxnövçülükdə və halqa ilə çıxışlarına görə də fəxri kürsüdə mövqe tutmağı bacarıblar. Hər iki proqram üzrə Gövhər gümüş, Məryəm isə bürünc medala layiq görülüb.

Yeniyetmələrin yarışlarında B qrupunda çıxış edən Aydan isə yarışdığı hər 3 proqramda (çoxnövçülük, alətsiz və halqa) ilk pillədə qərarlaşıb.

Alina gənclərin çoxnövçülük yarışında 45 gimnast arasında 16-cı olub.

Trend.az

ƏVVƏLKİ XƏBƏR

Sahil Babayev şəhid ailələri və qazilərlə bağlı çağırış etdi

SONRAKI XƏBƏR

“Məncə, əlavə sanksiyalar qaçılmazdır...” AVROPDA MÜZAKİRƏLƏR GEDİR