"Barselona"nın prezidenti Joan Laporta klubun hələ də Avropa Superliqası lahiyəsini dəstəklədiyini açıqlayıb.
Fanat.Az xəbər verir ki, bu barədə klub rəhbəri ESPN-ə müsahibəsində deyib.
"Hələ də UEFA ilə danışıqlara başlamaq üçün cəhd edirik. Bu turnirin təşkil etmək istədiyimiz üçün üzr istəməyəcəyik. Biz öz taleyimizin sahibi olmaq üçün UEFA-dan üzr istəməyəcəyik", - deyə Laporta bildirib.
Qeyd edək ki, aprelin 19-da fəaliyyətə başlayan Avropa Superliqasında 12 klubun iştirakı təsdiqlənmişdi. Lakin qısa zamanda artan təzyiqlər nəticəsində "Real Madrid”, "Yuventus” və "Barselona” istisna olmaqla, digər komandalar yarışdan imtina etmişdi.
Mənbə: www.fanat.az