DÇ-2022: Azərbaycan millisinin üç oyununun vaxtı dəqiqləşib

Azərbaycan millisinin DÇ-2022-nin seçmə mərhələsində keçirəcəyi daha üç oyunun yeri dəqiqləşib.

Apasport.az saytının məlumatına görə, İrlandiya ilə həm evdə, həm də səfərdə, Serbiya ilə rəqib meydanında baş tutacaq görüşün təşkil olunacağı stadion müəyyənləşib.

Sentyabrın 4-də Azərbaycan millisi İrlandiyanın qonağı olacaq. Dublindəki matç “Aviva” stadionunda baş tutacaq. Qarşılaşma Bakı vaxtı ilə saat 20:00-da start götürəcək.

Oktyabrın 9-da yığmamız İrlandiyanı qəbul edəcək. Saat 20:00-da başlayacaq matç Bakı Olimpiya Stadionunda təşkil olunacaq.

Oktyabrın 12-də Serbiyada keçiriləcək qarşılaşma Belqradda baş tutacaq. Rayko Mitiç stadionundakı görüş Bakı vaxtı ilə saat 22:45-də başlayacaq.

Qeyd edək ki, Lüksemburq sentyabrın 1-dəki səfər, noyabrın 11-dəki ev oyununun yeri hələ dəqiqləşməyib. Sentyabrın 7-də Portuqaliya ilə qarşılaşmanın isə Bakı Olimpiya Stadionunda təşkil olunacağı öncədən bəlli idi.

Apa.az

ƏVVƏLKİ XƏBƏR

Azərbaycan şirkətləri ilin sonuna normal satış səviyyəsinə çıxa biləcəyini düşünür - SORĞU

SONRAKI XƏBƏR

Hande Ataizi tətil mövsümünü gənc sevgilisi ilə açdı - FOTO