"Liverpul" rəsmi saytı vasitəsi ilə qapıçısı Kuivin Kelleherlə uzunmüddətli müqavilə bağladığını açıqlayıb.
Fanat.Az xəbər verir ki, 22 yaşlı irland qolkiper müddəti açıqlanmayan anlaşmaya imza atandan sonra belə danışıb:
"Müqaviləmin müddətini uzatdığım üçün özümü xoşbəxt sayıram. Danışıqlar prosesi bir neçə ay çəkdi. Şadam ki, hər şey arxada qalıb. "Liverpul" kimi böyük klubda olmaq mənim üçün şərəfdi".
2015-ci ildən "Liverpul"a cəlb edilən Kelleher son mövsümdə İngiltərə Premyer Liqasında 2 oyuna çıxıb və 1 qol buraxıb. Hazırda İrlandiyanın U-21 yığmasına çağırılan "çərçivə" qoruyucusu Çempionlar Liqasında da forma şansı qazanmağı bacarıb. O, qitənin ən nüfuzlu klub turnirində 2 matçda meydanda olub və qapısında 1 qol görüb.
Atilla
Mənbə: fanat.az