Mahir Emrelinin komanda yoldaşı Bartoş Kapustkanın (Bartosz Kapustka) durumuna aydınlıq gəlib.

Fanat.Az xəbər verir ki, UEFA Çempionlar Liqasının II təsnifat mərhələsində Tallinn "Flora”sı ilə matçda (2:1) erkən qol vurduqdan sonra xəsarət alan "Legiya”nın futbolçusu üçün mövsüm başlamamış bitib.

Klubdan verilən açıqlamada Kapustkanın sağ dizindəki xaçvari bağın zədələndiyi bildirilib. Futbolçunun müalicəsi və bərpası təxminən 8-9 ay davam edəcək.

Varşava klubu "Bartoş”, bütün "Legiya” ailəsi səninlədir! Daha güclü qayıdacaqsan, gözləyirik!” deyə futbolçuya dəstəyini nümayiş etdirib.

Mirağa

Mənbə: fanat.az