Futbol matçına “Koroğlu” uvertürası ilə çıxdılar - VİDEO

Milli Musiqi Günün ilə əlaqədar olaraq, Peşəkar Futbol Liqası maraqlı təşəbbüslə çıxış edib.

"Qafqazinfo"nun məlumatına görə, Premyer Liqasının 4-cü turu çərçivəsində keçirilən "Qəbələ" - "Səbail" matçında futbolçular "Koroğlu" üverturasının sədaları altında çıxıblar.

Bu təşəbbüs stadiona toplaşan azarkeşlərin alqışı ilə qarşılanıb.

Qeyd edək ki, bu gün dahi bəstəkar, Azərbaycan professional musiqi sənətinin banisi, Şərqdə ilk operanın müəllifi kimi tanınan Üzeyir Hacıbəylinin anadan olmasının 136-cı ildönümü tamam olur. 18 sentyabr - Azərbaycanın dahi bəstəkarı Üzeyir Hacıbəylinin dünyaya göz açdığı gün ölkəmizdə Milli Musiqi Günü kimi qeyd edilir.

 

Qafqazinfo.az

ƏVVƏLKİ XƏBƏR

Ukrayna Rusiya ilə sərhəddə təlim keçirdi

SONRAKI XƏBƏR

Aftandil Hacıyev: "Belə məğlubiyyətlər gözləniləndir"