Beyləqan, 15 oktyabr, AZƏRTAC

Gənclər arasında Xocavənd Rayon Gənclər və İdman İdarəsinin təşkilatçılığı ilə Vətən müharibəsi şəhidlərinin xatirəsinə həsr olunmuş qol güləşi üzrə rayon birinciliyi keçirilib.

AZƏRTAC-ın bölgə müxbiri xəbər verir ki, şəhidlərin əziz xatirəsini yad etmək, qol güləşi üzrə perspektivli idmançıları aşkarlamaq, idmançılar arasında dostluq əlaqələrini möhkəmləndirmək, gənclərə sağlam həyat tərzi aşılamaq məqsədilə keçirilən birincilikdə 34 nəfər iştirak edib.

Yekun nəticəyə əsasən İbrahimov Səid Aydəniz oğlu birinci, Astanov Emin Eldar oğlu ikinci, Məmmədov Vüsal Mərahim oğlu üçüncü yerə layiq görülüb. Qaliblər diplomla təltif olunub.

Mənbə: azertag.az