2022-ci ildə Qətərdə keçiriləcək futbol üzrə dünya çempionatının final mərhələsinin püşkatma mərasiminin tarixi məlum olub.

“Qafqazinfo” xəbər verir ki, tədbir gələn il aprelin 1-də təşkil olunacaq.

Qeyd edək ki, yarışın təsnifat mərhələsi bu il noyabr ayında başa çatacaq. Pley-off mərhələsinin matçlarının növbəti il 24-29 mart tarixlərində keçirilməsi planlaşdırılır.

Final mərhələsi isə 2022-ci il noyabrın 21-dən dekabrın 18-dək olacaq.

Mənbə: qafqazinfo.az