Sərxan Əliyev dünya çempionatının bürünc medalını qazandı

Azərbaycan yığması Serbiyanın paytaxtı Belqradda boks üzrə dünya çempionatında növbəti medalını qazanıb.

Publika.az-ın Azərbaycan Boks Federasiyasına istinadla verdiyi məlumata görə, komandamızın aktivinə ikinci bürünc medalı Sərxan Əliyev (71 kq) əlavə edib.

İlk 3 mərhələdə Stefen Nevns (Şotlandiya), Yuta Akiyama və Obed Bartiyə (ABŞ) qalib gələn həmyerlimiz yarımfinalda ukraynalı Yuri Zaxariyevlə üz-üzə gəlib. Görüş rəqibin qələbəsi ilə başa çatdığından S.Əliyev bürünc medalla kifayətlənib. Ondan əvvəl yığmamızın üzvü Məhəmməd Abdullayev (+92 kq) də mundialı 3-cü pillədə başa vurub.

Qeyd edək ki, Azərbaycanı dünya çempionatında 9 boksçu təmsil edir.

Publika.az

ƏVVƏLKİ XƏBƏR

Tarantino “Kriminal qiraət”dən silinmiş səhnələri hərraca çıxarır - FOTO

SONRAKI XƏBƏR

Tanınmış meyxanaçıların olduğu maşın aşıb