“Mançester Siti”dən qələbə, “Milan” liderliyi əldə verdi - VİDEO

Avropanın aparıcı futbol çempionatlarında növbəti turun oyunları keçirlib.

Oxu.Az xəbər verir ki, İngiltərə Premyer Liqasında yuxarı pillələrdə qərarlaşan iki klub - “Mançester Siti” və “Vest Hem” arasındakı qarşılaşma liderlik yarışı baxımından maraq doğurub.

Mançesterdə baş tutan oyun yerli komandanın 2:1 hesablı qələbəsilə başa çatıb.

Qeyd edək ki, şəhərin daha bir klubu bugün ciddi sınaqla üzləşəcək. Belə ki, bir qədər sonra turun mərkəzi matçı sayılan “Çelsi”-“Mançester Yunayted” oyunu başlayacaq.

İtaliya A seriyasında isə lider dəyişikliyi baş verib. Səfərdə turnir cədvəlinin ortalarında qərarlaşan “Sassulo”ya uduzan “Milan” liderliyi əldən verib - 1:3.

Hazırda çempionata “Milan”la eyni xala (32) malik, lakin bir oyun az keçirmiş “Napoli” başçılıq edir.

 

Oxu.az

ƏVVƏLKİ XƏBƏR

Bakı, Tehran və Aşqabad arasında mühüm SAZİŞ

SONRAKI XƏBƏR

Tovuzda avtomobil qəzası olub, ölən və yaralananlar var