Bu gün Premyer Liqada XIII tura start veriləcək.
Turun ilk günündə iki matç baş tutacaq.
Öncə çempionatın autsayderləri üz-üzə gələcək. “Keşlə” və “Səbail” arasında paytaxt derbisində qalib gələcək komanda 6-cı pilləyədək irəliləmək imkanına malikdir. Meydan sahibləri 2, qonaqlar 4 matçlıq məğlubiyyət seriyasını qırmaq üçün meydana çıxacaq.
Günə liderin görüşü ilə yekun vurulacaq. “Qarabağ” “Sabah”ı qəbul edəcək. Ağdam təmsilçisi bu qarşılaşmada qalib gəlsə, qış çempionu olacaq. 4 turdur uduzmayan Qurban Qurbanovun yetirmələri digər nəticələrlə də buna nail ola bilər. Lakin bunun üçün turun ikinci gününün nəticələrini gözləməlidir. “Sabah” isə məğlubiyyətsiz oyunlar seriyasını 6-ya çatdırmaq və liderlərlə fərqi azaltmağa can atacaq.
Qeyd edək ki, tura sabah yekun vurulacaq.
Mənbə: www.realtv.az