Cənubi koreyalı tanınmış cüdoçu An Çanqrim karyerasını bitirdiyini açıqlayıb.

Manset.az xəbər verir ki, 27 yaşlı idmançı bu barədə "Instagram" hesabında paylaşım edib.

73 kiloqram çəki dərəcəsində 2018-ci ildə Bakıda keçirilən dünya çempionatının qalibi və Tokio-2020 Yay Olimpiya Oyunlarının bürünc mükafatçısı olan cüdoçu fəaliyyətini məşqçi kimi davam etdirmək istədiyini yazıb.

Qeyd edək ki, An Çanqrim bu yay baş tutan Olimpiadanın bürünc medal görüşündə Azərbaycan təmsilçisi Rüstəm Orucova qalib gəlmişdi.

Mənbə: manset.az