"Yuventus" iranlı hücumçu üçün 5 milyon avro təklif edir

İtaliyanın "Yuventus" klubu Rusiya "Zenit"ində çıxış edən Sərdar Azmunu heyətinə qatmaq niyyətindədir.

"Report" "Tuttosport" nəşrinə istinadən xəbər verir ki, Turin təmsilçisi 28 yaşlı hücumçu üçün 5 milyon avro təklif etməyə hazırdır.

"Qoca sinyora" iranlı forvardı qış transfer dönəmində əsas hədəf hesab edir. Baş məşqçi Massimiliano Alleqri bu transferin baş tutmasını istəyir.

Azmun bu keçidə razı olsa da, klublar hələlik transfer məbləğində razılığa gələ bilmirlər.

Qeyd edək ki, Serdar Azmunun "Zenit"lə müqaviləsi yayda başa çatacaq. Forvard 2019-cu ildən Rusiya təmsilçisinin formasını geyinir.

Report.az

ƏVVƏLKİ XƏBƏR

Kanadanın XİN başçısı Ukraynaya gəlir, səfər 6 gün davam edəcək

SONRAKI XƏBƏR

Premyer Liqanın daha bir oyunu təxirə salındı