Çexiya Prezidenti Miloş Zeman Pekində keçiriləcək XXIV Qış Olimpiya Oyunlarının boykot edilməsini və olimpiyada ideyasından siyasi məqsədlər üçün sui-istifadəni pisləyib.

Trend-in məlumatına görə, bu barədə M.Zeman Çinə yollanan Çexiya yığmasının üzvlərinə videomüraciətində deyib.

"Mən Olimpiada ideyasından siyasi məqsədlər üçün sui-istifadənin əleyhinəyəm, deyə Zeman vurğulayıb. - Biz bunu keçmişdə - Moskvada (1980-ci ildə Yay Olimpiya Oyunları) və Los-Ancelesdə (1984-cü ildə Yay Olimpiya Oyunları) yaşamışıq. İndi biz bu sui-istifadənin daha zəif formasını görürük, burada boykot idmançılarla deyil, yalnız siyasətçilər səviyyəsində elan edilib. Düzünü desəm, bəzi siyasi funksionerlərin Olimpiadada olmaması heç bir pis nəticə verməyəcək".

Mənbə: az.trend.az