Mendi 2021-ci ilin ən yaxşı qapıçısı seçilib

İngiltərənin "Çelsi" klubunun və Seneqal yığmasının qapıçısı Eduard Mendi Beynəlxalq Futbol Federasiyasının (FİFA) versiyasına görə 2021-ci ilin ən yaxşı qapıçısı seçilib.

Trend-in məlumatına görə, mükafatlandırma mərasimi təşkilatın mənzil-qərargahında onlayn-formatda keçirilib.

Qeyd edək ki, E.Mendinin 29 yaşı var. O, ötən mövsüm İngiltərə Premyer Liqası çərçivəsində "Çelsi"nin heyətində 31 oyuna çıxıb və 25 qol buraxıb.

Çempionlar Liqasında seneqallı qapıçı 12 oyunda iştirak edib və 3 qol buraxıb.

Trend.az

ƏVVƏLKİ XƏBƏR

Tomas Tuxel ötən ilin ən yaxşı baş məşqçisi seçilib

SONRAKI XƏBƏR

Estoniya 5 minə qədər NATO əsgərini qəbul etməyə hazırdır