Super Liqada daha bir oyun qara görə təxirə salındı

Super Liqada daha bir oyun qara görə təxirə salındı

Futbol üzrə Türkiyə Super Liqasının 22-ci turunun daha bir oyunu təxirə salınıb.

Milli.Az matc.az-a istinadən bildirir ki, bu gün keçirilən "Rizəspor" - "Antalyaspor" matçı əlverişsiz hava şəraiti səbəbindən yarıda dayandırılıb.

Rizədə təşkil olunan qarşılaşmaya qar əngəl olub. Belə ki, 23-cü dəqiqədə güclənən qar yağışına görə matçın başqa vaxt davam etdirilməsi qərara alınıb. İlkin qərara görə, qarşılaşma sabah yerli vaxtla saat 17:00-da qaldığı yerdən davam etdiriləcək.

Xatırladaq ki, ötən gün "Qaziantep" - "Yeni Malatyaspor" matçı da oxşar səbəbindən yarıda qalmışdı. Əvvəlcə oyunun bu gün davam etdirilməsi nəzərdə tutulsa da, bu, əlverişsiz hava şəraitinə görə yenə alınmayıb. Bu matçın nə vaxt keçiriləcəyinə qarşıdakı günlərdə aydınlıq gələcək.

Mənbə: news.milli.az