Azərbaycanlı sürücü rusiyalı idmançının xanımı ilə tanış olmaq istədi və...

Tanınmış rusiyalı döyüşçü Maksim Divniç xoşagəlməz hadisə ilə üzləşib.

Day.Az-ın Apasport-a istinadən məlumatına görə, bunu peşəkar rinqdə 21 döyüşə çıxan idmançı öz sosial şəbəkəsində açıqlayıb.

O, teleqram paylaşımında həyat yoldaşına tanımadığı nömrədən zəng gəldiyini və hadisənin sonrakı axarını qeyd edib. Təsadüfən səhv nömrə yığan şəxs xanımla tanış olmağa cəhd edib.

Bundan xəbər tutan MMA döyüşçüsü həmin adama zəng vurub. Onun "hardansan", "nə işlə məşğulsan", "yoldaşıma niyə zəng vurursan" kimi sualların cavablandıran şəxsin Moskvada yaşayan azərbaycanlı taksi sürücüsü Ruslan olduğu üzə çıxıb. Həmyerlimiz təsadüfən xanıma zəng etdiyini bildirib. İdmançı ona bir də belə hərəkət etməməyi məsləhət görüb. Döyüşçü telefon zənginin videosunu da teleqram paylaşımında yerləşdirib.

Qeyd edək ki, Divniç 21 qarşılaşmada 15 qələbə qazanıb və 6 dəfə uduzub.

Day.az

ƏVVƏLKİ XƏBƏR

Şamaxı Rəsədxanasının xidməti mənzilləri kənar şəxslər tərəfindən tutulub

SONRAKI XƏBƏR

“YAŞAT” Fondu şəhid ailəsinin məişət şəraitinin yaxşılaşdırılmasına dəstək göstərib