"Real"ın yarımmüdafiəçisi Luka Modriç klubu ilə müqavilənin müddətini uzatmaq üçün razılığa gəlib.

Qol.az "Marca"ya istinadən xəbər verir ki, müqavilə 2023-cü ilin yayına qədər davam edəcək. Bu,yaxın vaxtlarda rəsmi olaraq elan ediləcək.

Madrid təmsilçisi 36 yaşlı oyunçuya karyerasını başa vurduqdan sonra klubun strukturunda vəzifə təklif də edib.

Qeyd edək ki, Modriçin "Real"la hazırkı müqaviləsi 30 iyun 2022-ci ilə qədərdir.

Mənbə: qol.az