Azərbaycanlı şagird ABŞ-dakı yarışmada kubok qazandı

Ginnesin rekodlar kitabına dünyanın ən böyük robototexnika yarışması kimi düşən "VEX Robotics World Championship 2022"də Azərbaycan komandası göstərdiyi nəticələrə görə divizionun "Energy Team" kubokunu qazanıb.

 

Bakupost.az xəbər verir ki, ABŞ-da keçirilən yarışlarda 50-ə yaxın ölkədən 4800 komanda, 15.000-ə yaxın şagird iştirak edib. Komandamız yarışdığı divizionda 20 ən yaxşı komanda siyahısına daxil olaraq final oyunlarına qatılıb. Ümumi ballar nəticəsində təcrübəli komandaları geridə qoyaraq komandamız 6-cı yerdə qərarlaşıb.

Qeyd edək ki, Azərbaycan komandasının üzvlərindən biri - Erkam Məsiyev Qərbi Kaspi Universitetinin ötən ilin dekabr ayında keçirdiyi "2021 Məktəblilərarası LEGO Olimpiadası"ının qaliblərindəndir.

Erkam Məsiyev robototexnika ilə bağlı ilk vərdişlərini universitetin Texnoparkında - Məktəblilərarası LEGO Olimpiadası ərəfəsində təşkil olunmuş təlimlərdə əldə edib.

Bakipost.az

ƏVVƏLKİ XƏBƏR

"Real" onunla yeni müqavilə imzalayır

SONRAKI XƏBƏR

Müəllimlər sertifikasiyadan niyə narazıdır? - Ekspert haqlı və haqsız tərəfləri açıqladı