Zərərli vərdişlərlə mübarizəyə dəstək məqsədilə veloyürüş keçirilib

 

Bakı, 22 may, AZƏRTAC

Zərərli vərdişlərlə mübarizəyə dəstək məqsədilə Azərbaycan Velosiped Federasiyasının (AVF) təşkilatçılığı ilə mayın 22-də paytaxtda veloyürüş keçirilib.

Federasiyadan AZƏRTAC-a bildiriblər ki, Türkiyənin “Yeşilay” Cəmiyyətinin təşəbbüsü, “Zərərli Vərdişlərə Qarşı” İctimai Birliyinin dəstəyi ilə baş tutan veloyürüşə Azneft dairəsindən start verilib.

Yürüşdə AVF, “Zərərli Vərdişlərə Qarşı” İctimai Birliyinin əməkdaşları, digər klubların üzvləri, eləcə də paravelosipedçilər və həvəskarlar iştirak ediblər.

Velosipedçilər Dənizkənarı Bulvarla hərəkət edərək, Hərbi Qənimətlər Parkının qarşısında yürüşü başa vurublar.

Qeyd edək ki, bu gün zərərli vərdişlərə qarşı mübarizə məqsədilə dünyanın 75 ölkəsində veloyürüş keçirilib.

 

 

 

Azertag.az

ƏVVƏLKİ XƏBƏR

KİV: “Avropa Azərbaycandan enerji nəqlini artıra bilər”

SONRAKI XƏBƏR

İcbari tibbi sığorta üzrə xidmətlər zərfinə daha hansı xəstəliklər əlavə oluna bilər? - FOTO