Millimizin Avropa çempionatı üçün HEYƏTİ açıqlandı

Kişi voleybolçulardan ibarət Azərbaycan millisinin ilkin heyəti açıqlanıb.

Bizim.Media xəbər verir ki, komandanın baş məşqçisi Pərviz Səmədov Avropa çempionatının təsnifat mərhələsi üçün 18 oyunçu sifariş edib.

Heyət əvvəlki illərlə müqayisədə kifayət qədər gəncləşib. Millinin “ağsaqqalları”nın bir neçəsi artıq “18-lik”dən kənar qalıb. Son illərdə komandada olan Elmin Alışanov və Dmitri Obodnikov, eləcə də baş məşqçi Pərviz Səmədov meydana bu dəfə voleybolçu kimi çıxmayacaqlar.
Son heyətlə müqayisədə Mirəşrəf Rzazadə, Uğur İbrahimov, Ruslan Əliyev və Sənan Dünyamalıyev də yığmada olmayacaqlar. Əvəzində Mirhasil Seyidli, Roman Qurski, Mərdan Məmmədov, Yusif Bünyatov, Ferhat Jenkel, Nihad Qasımov və Andrey Melnikov əsas millidə debüt şansı qazanacaqlar.

Qeyd edək ki, voleybolçularımız Avropa çempionatının təsnifat mərhələsində A qrupunda Türkiyə və Danimarka yığmaları ilə mübarizə aparacaq

Azərbaycan millisi

Toppaylayıcılar: 2. Tural Həsənli, 13. Mirhasil Seyidli, 77. Roman Qurski

Blokçular: 8. Yeqor Nikulenko, 11. Ramazan Ağabəyov, 15. Dmitri Baranov, 16. Mərdan Məmmədov

Hücumçular: 1. Vüqar Bayramov, 3. Cavid Süleymanov, 4. Aqil Ağazadə, 10. Yusif Bünyatov, 14. Mais Verdizadə, 17. Andrey Vasilenko, 20. Andrey Melnikov

Liberolar: 5. Ferhat Jenkel, 6. Nihad Qasımov, 7. Emil Abdullayev, 19. Kənan Allahverdiyev.
 

Bizim.media

ƏVVƏLKİ XƏBƏR

Ötən gün yol qəzalarında 5 nəfər ölüb, 6 nəfər yaralanıb

SONRAKI XƏBƏR

Qazaxıstanda neft məhsullarının avtomillə daşınması yenidən qadağan edilib