Türkiyə qardaş ölkə ilə 5 milyardlıq saziş imzaladı

Türkiyə və Pakistan arasında ikitərəfli ticarətin həcmini 5 milyard dollara çatdırmağı nəzərdə tutan ticarət sazişi imzalanıb.

Axar.az xəbər verir ki, Pakistanın paytaxtı İslamabadda baş tutan mərasimdə müqaviləni Pakistanın ticarət naziri Seyid Navid Qəmər və Türkiyənin ticarət naziri Mehmet Muş imzalayıb.

Mərasimdə həmçinin Pakistan Baş naziri Şahbaz Şərif və digər rəsmilər də iştirak edib.

Mərasimdə çıxış edən Şərif sazişin imzalanmasını İslamabad və Ankara arasında tarixi və qardaşlıq münasibətlərində mühüm mərhələ adlandırıb:

"Bu gün biz iki böyük qardaş ölkələrimiz arasında bir çox imkanlar açacaq ticarət sazişi imzaladıq. Bizim imkanlarımız xəyal gücünün fövqündədir”.

Axar.az

ƏVVƏLKİ XƏBƏR

Trampın mülkündən 11 dəst məxfi sənəd tapıldı - FOTO

SONRAKI XƏBƏR

Türkiyədə sürücü piyada zolağının üzərində hərəkət edən qadını vurub bir neçə metr kənara atdı - VİDEO