"Barselona"nın müdafiəçisi dünya çempionatını buraxa bilər

Uruqvay millisinin və İspaniya "Barselona"sının futbolçusu Ronald Arauxo bu il Qətərdə keçiriləcək dünya çempionatını buraxa bilər.

"Report" klubun rəsmi saytına isitnadən xəbər verir ki, buna 23 yaşlı müdafiəçinin yığmanın düşərgəsində zədələnməsi səbəb olub.

İrana 0:1 hesabı ilə uduzduqları yoldaşlıq matçının 5-ci dəqiqəsində sağ budundan xəsarət alan gənc oyunçu əməliyyat olunacaq. Kataloniya təmsilçisi Arauxonun bərpa dövrünün müddətini açıqlamayıb.

Futbolçunun 20 noyabr - 18 dekabrda gerçəkləşəcək mundialda iştirak etməyəcəyi ehtimal olunur.

Qeyd edək ki, "Barselona"nın niderlandlı oyunçuları Frenki de Yonq və Memfis Depay, həmçinin, fransalı futbolçular Jül Kunde və Usman Dembele də öz yığmalarının düşərgəsində zədə alıb.

Report.az

ƏVVƏLKİ XƏBƏR

51 qadın ondan hamilə qalıb - Sperma donorundan inanılmaz etiraf - FOTO

SONRAKI XƏBƏR

Bank sektorunun mənfəəti açıqlandı