Azərbaycanın U-19 yığması seçmə mərhələni xalsız başa vurub

19 yaşadək futbolçulardan ibarət Azərbaycan milli komandası Avropa çempionatının seçmə mərhələsində çıxışını başa vurub.

"Report"un məlumatına görə, Miloş Velebitin baş məşqçi olduğu kollektiv 2-ci qrupdadakı sonuncu oyununda Lüksemburq yığması ilə qarşılaşıb.

Bolqarıstanın Albena şəhərindəki eyniadlı arenada oynanılan qarşılaşma rəqibin minimal hesablı qələbəsi ilə yekunlaşıb. Yeganə qolu 7-ci dəqiqədə penaltidən Leon Elşan vurub.

Beləliklə, qrupda keçirdiyi bütün oyunları uduzan Azərbaycan milli komandası seçmə mərhələdə xal qazana bilməyib.

Qrupun digər matçında Türkiyə yığması səfərdə Bolqarıstanla heç-heçə edib - 1:1. Bu nəticələrdən sonra 5 xalı olan "ay-ulduzlular" qrup lideri, eyni xala malik Lüksemburq isə ikinci yerin sahibi kimi növbəti mərhələyə adlayıb.

Report.az

ƏVVƏLKİ XƏBƏR

Azərbaycanlı xaker qrupu erməni saytlarını sıradan çıxardı - SİYAHI/FOTO

SONRAKI XƏBƏR

Vətən müharibəsi qazisi: “Səngərdə olan qardaşlarımız 80 şəhidin qisasını almalıdırlar” - MÜSAHİBƏ + FOTO