"Bavariya"dan Ronaldo ilə bağlı açıqlama

"Bavariya"nın baş direktoru Oliver Kan Münhen klubunun bu yay "Mançester Yunayted"in hücumçusu Kriştiano Ronaldonu heyətinə qatmağı düşündüklərini təsdiqləyib.

Qol.az "Bild"ə istinadən xəbər verir ki, o, sonra bu transfer fikrindən daşındıqlarını bildirib: "Biz Ronaldonun "Bavariya"ya keçmə ehtimalını qısaca müzakirə etdik. Yəqin ki "Borussiya" Dortmundda da eyni şeyi etdilər. Təbii ki Ronaldo kimi superulduzlar liqaya diqqəti cəlb edən mühüm amildir. O, son onilliyin ən böyük oyunçularından biridir. Lakin biz onu transfer etmək fikrindən tez daşındıq".

Xatırladaq ki, 37 yaşlı futbolçu bu mövsüm bütün turnirlərdə 8 oyun keçirib və cəmi 1 qol vurub.

Qol.az

ƏVVƏLKİ XƏBƏR

Türkiyə və Böyük Britaniya müdafiə nazirləri təhlükəsizlik əlaqələrini müzakirə ediblər

SONRAKI XƏBƏR

Xəstəxanada yaşlı qadına işgəncə verilməsi ilə bağlı 8 nəfər saxlanıldı