Joze Alesio Da Silva: "İlk 3 qolu rəqib vurmadı, biz hədiyyə etdik"

"Hazırlaşmaq üçün vaxtımız az oldu. Yalnız dünən tam heyətlə məşq etdik. Məşqdə planlaşdırdığımızı oyunda həyata keçirə bildik. Səhvlərimiz oldu. İlk 3 qolu rəqib vurmadı, biz hədiyyə etdik".

"Report"un məlumatına görə, bunu futzal üzrə Azərbaycan milli komandasının baş məşqçisi Joze Alesio Da Silva Bakıda Polşa yığmasına 4:3 hesabı ilə qalib gəldikləri dünya çemionatının əsas seçmə mərhələ oyunundan sonra deyib.

Braziliyalı mütəxəssis qələbə münasibətilə komandasını təbrik edib: "Sonadək intizama əməl etdilər. Polşa millisi güclü komandadır. 6-7 ildir bu heyət bir yerdə çıxış edir, fiziki və taktiki planda hazırlıqlı komandadır".

Onun sözlərinə görə, rəqib sona 5 dəqiqə qalmış 5 foul limitini doldursa da, komandası 10 metrlik cərimə zərbəsi vurmaq üçün əlavə foul qazana bilməyib: "Belə məqamlarda Felipinyo daha uyğun oyuncudur. Çünki o, driblinqlər etməyi xoşlayır və belədə rəqib ona qarşı kobud oynayır. Təəsüf ki, bu gün cəzalı olduğuna görə meydana çıxmadı. Fineo isə bu baxımdan işini görə bilmədi, imkan vermədilər".

Alesio oktyabrın 11-də səfərdə Yunanıstana qarşı keçirəcəkləri səfər oyununa toxunub: "Bu matçdan da 3 xal qazanmaq istəyirik. Bu iki görüşü maksimum nəticə ilə başa vursaq, gələn il dogma meydanda Yunanıstanı təkrar qəbul edəcəyik. Həmin dueldən də 3 xal qazanıb, aktivimizdəki xalların sayını 9-a çatdırmaq haqqında düşünürük. Ümumiyyətlə, mərhələni qrup lideri kimi başa vurmaq istəyirik".

Report.az

ƏVVƏLKİ XƏBƏR

İran hakimiyyətinin sonunu göstərən görüntülər: Qəzəbli sakinləri dini-elmi mərkəzə hücum etdilər - VİDEO

SONRAKI XƏBƏR

“Avroviziya”nın keçiriləcəyi şəhər məlum oldu