12 il ərzində ilk dəfə olaraq futbol üzrə dünya çempionatının final mərhələsində Uruqvay yığmasının qapısını Fernando Muslera qorumayıb. Belə ki, Qətər DÇ-2022 çərçivəsində keçirilən Uruqvay-Cənubi Koreya matçında cənubi amerikalıların əsas heyətində qapıda Muslera deyil, Serxio Roçet Alvarez durub.

“Qalatasaray”ın futbolçusu olan 36 yaşlı Muslera 2010-cu il dünya çempionatında 7, 2014-cü il dünya çempionatında 4, 2018-ci il dünya çempionatında isə 5 matçda millinin qapısını qorumuşdu.

Qeyd edək ki, hazırda Uruqvayın “Nasyonal” klubunda çıxış edən Roçet 2017-2019-cu illərdə Türkiyənin “Sivasspor” klubundan oynayıb.

Mənbə: CNN Türk

Mənbə: www.oxu.az