Daha əvvəl Qətərdə keçirilən futbol üzrə dünya çempionatında Kamerun millisindən uzaqlaşdırılan “İnter” klubunun qapıçısı Andre Onana turnir bitməmiş komandanı tərk etmək qərarına gəlib. Futbolçu kamerunlu mentor Riqobert Sonqla münaqişəyə görə millidən uzaqlaşdırılıb. Fikir ayrılığına səbəb oyun tərzinin dəyişməsinə Onanın narazılığı olub.

Bu barədə jurnalist Nikolo Şira özünün “Twitter” hesabında məlumat verib.

#Inter’s goalkeeper Andre #Onana has decided to leave the #WorldCup2022 after #Cameroon National Team have removed him from the squad to face Serbia today due to disciplinary reasons. The relationship with coach #Song is over and Onana is ready to return to home. #Qatar2022

— Nicolò Schira (@NicoSchira) November 28, 2022

26 yaşlı Onana Kamerun millisinin əsas qapıçısıdır. O, 2016-cı ildə komandada debüt edib və o vaxtdan bəri keçirdiyi 34 matçda 29 qol buraxıb, 14 dəfə qapını toxunulmaz saxlayıb.

Qeyd edək ki, İsveçrə ilə oyununda Kamerun yığmasının qapısını müdafiə edən Onana cərimə meydançası xaricində topa toxunmaq üzrə mundialda rekorda imza atıb. O, öz cərimə meydançasından kənarda topa 26 toxunuş edib - bu, dünya çempionatının yeni rekordudur.

Serbiya ilə oyun üçün kamerunluların qapısını David Epassi qoruyub. Qarşılaşma 3:3 hesabı ilə başa çatıb.

Mənbə: Çempionat

Mənbə: www.oxu.az