"Qocaman" qayıdır

"Milan"ın hücumçusu Zlatan İbrahimoviç uzun fasilədən sonra məşqlərə qayıdır. "Goal" portalının verdiyi məlumata görə, isveçli futbolçu gələn bazar ertəsindən etibarən komandanın məşqində iştirak edə biləcək.
2022/2023 mövsümündə Zlatan İbrahimoviç hələ meydana çıxmayıb - isveçli dizindən aldığı zədəni sağaltmaqla məşğul idi. Hələ may ayında təcrübəli futbolçu əməliyyat olunmuşdu.
Xatırladaq ki,oktyabr ayında Zlatan İbrahimoviç 41 yaşını qeyd edib. İsveçli hücumçunun "Milan"la hazırkı müqaviləsi 2022/2023 mövsümünün sonuna kimidir.
Mövsümün ilk hissəsindən sonra "Milan" A Seriyasının turnir cədvəlində ikinci yerdədir.

Aqreqator.az

ƏVVƏLKİ XƏBƏR

Laçın yolunda baş verən son hadisələrdən görüntülər - VİDEO

SONRAKI XƏBƏR

Salyanda evdə 61 yaşlı qadının meyiti aşkarlanıb